ដោយ : បន្ទាយ
កណ្តាល : កប៉ាល់ជីកព្រែកហ្វូណនតេជោ នៃក្រុមហ៊ុន CCCC ប្រទេសចិនបានមកដល់ប្រទេសកម្ពុជាហើយ ប្រជាពលរដ្ឋកម្ពុជាសូមស្វាគមន៍កប៉ាល់ដែលមកដល់កម្ពុជាដើម្បីត្រៀមបើកសកម្មភាព «ជីកព្រែកហ្វូណនតេជោ»។
![](https://cambodiaflashnews.com/wp-content/uploads/2024/04/cropped-Header-Middle-footer.png)
នេះបើតាមក្រុមហ៊ុនសេវាពាពិជ្ជកម្មកម្ពុជា (Business Condo Cambodia) ឲ្យដឹងនៅថ្ងៃទី២៤ ខែកក្កដា ឆ្នាំ២០២៤ ។
ប្រភពបានបន្តថា: កប៉ាល់នេះជាកម្មសិទ្ធិរបស់ក្រុមហ៊ុន CCCC Water Transportation Consultants Co,.Lltd ដែលនាំមកសម្រាប់ស្ថាបនាគម្រោងផ្លូវនាវាចរណ៍ប្រវត្តិសាស្រ្តរបស់កម្ពុជាឈ្មោះ”ព្រែកជីកហ្វូណនតេជោ”។
បើតាមការបញ្ជាក់របស់ប្រភពខាងលើ : កប៉ាល់ជីកព្រែកនេះមានសមត្ថភាពអាចជីកជម្រៅដល់ទៅ ៣៥ម៉ែត្រ។
សូមបញ្ជាក់ថា ទីតាំងបើកការដ្ឋានជីកព្រែកហ្វូណនតេជោដែលគ្រោងធ្វើនៅថ្ងៃទី៥ ខែសីហា ឆ្នាំ២០២៤ ដ៏ខ្លីខាងមុខ ស្ថិតនៅភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្តាល ៕